Benvidos a esta nova páxina web, feita con moita ilusión, e que realmente espero que vos sexa útil e vos guste. Como sempre, intentamos conquerir obxectivos que serven para mellorar o noso club, e pensamos que esta era unha materia pendente a cal intentaremos por todos os medios que se converta nunha referencia e unha boa imaxe para achegarnos a todos.
Nela poderedes ver a toda a información do club, a súa historia, o campo, como evolucionou o noso escudo…
Poderedes seguir todos os equipos que temos, con máis de 300 rapaces, consultar todas as competicións, táboas de clasificación, resultados, calendarios, estatísticas, etc.
Cada semana poderedes ver os resultados da SDCR e Abuín e publicaremos un novo test.
Na sección multimedia veredes fotos e videos dos partidos, das celebracións, etc.
Tamén hai unha sección con todas as noticias de actualidade do fútbol base lucense, da SDCR, do Atlético Abuín, das nosas ligas de Veterans…
Como novidade estreamos o xornal dixital, onde cada semana veredes entrevistas aos xogadores do club, e as crónicas dos partidos de cada fin de semana. Tamén poderedes participar enviándonos ao noso correo, sdcresidencia@gmail.com , noticias de interese xeral, comentarios ou opinións sempre no ámbito da cordialidade, que nos publicaremos na páxina.
E por outro lado unha nova área de xogos, chea de divertidos xogos para competir cos teus amigos ou que poñan a proba as túas habilidades.
En documentos poderedes descargar toda a documentación do club, como calendarios, circulares, solicitude de socio, inscrición…
Tedes enlaces de interese e podedes seguirnos tamén a través de facebook, tuenti, twiter e youtube.
Por último, comentarvos que en breves, abriremos unha sección onde haberá un chat interno e un foro, para estar en contacto cos teus amigos do club e comentar todo o que queirades sobre os temas que iremos sacando. E como novidade, dende a nosa páxina atoparas as rutas que levan dende o noso campo de A Cheda ata calquera dos campos dos equipos contra os que xogamos.
Sen máis, despídome desexando que sexa do voso agrado, e animándovos a que participedes nela, coas vosas ideas, comentarios ou opinións.
